What's new

Daily Bread (February 17 2022)

Pamintangdurog04

Forum Guru
Elite
Joined
Sep 25, 2019
Posts
1,455
Reaction
590
Points
1,085
"HINDI MASUKAT" WALANG KAPANTAY"
(2 Corinto 9:14-15)
14 Kaya't buong pagmamahal nila kayong ipapanalangin, dahil sa di-masukat na kagandahang-loob ng Diyos sa inyo. 15 Salamat sa Diyos dahil sa kanyang kaloob na walang kapantay!
Magnilay po tayong muli ng Salita ng Dios mga kapatid... Ang mga kapatiran noong panahon ni Pablo ay nagpapanalanginan. Dahil ang kagandahang loob ni Kristo ang naguudyok sa bawat mananampalataya na ipanalangin lalo na ang mga hinirang ng Dios at mga kapatid sa pananampalataya.
Si Kristo ang kaloob ng Dios na walang kapantay.. walang maaring ipalit sa Kanya o ipantay man lamang. Kaya kung tinanggap mo ang kaloob na ito, ang ating Panginoong Hesus, ikaw ay may kaloob na walang kapantay.. Ang isang nakakagulat dito ay ipinagkaloob Siya ng Ama sa atin. Tayo na hindi karapat dapat ay binigyan Niya ng kaloob na walang kapantay. Kaya naman mga kapatid pahalagahan natin ng labis ang kaloob na ito sa atin, ingatan po natin at pakamahalin, ating paglingkuran at kilalaning si Kristo ang ating kaligtasan.
May ipapantay ba tayo o makahihigit kaya sa kaloob na binigay ng Dios sa atin.? Purihin ang Dios napakadakila nga ng Kanyang kaloob sa atin.. dahil sa Kanyang kaloob na ito ay nagkaroon tayo ng buhay na walang hanggan at ito ay walang iba kundi ang ating Panginoong Hesus.
Muli ang biyaya at pag ibig ng Dios ay sumaating lahat ngayon at magpakaylanman sa Pangalan ng ating Panginoong Hesus. Amen.

Pastor Ombie Lontoc
 

Similar threads

Back
Top