Sumabay sa dilim at bukang liwayway
Anino mo sa diwa'y nagliliwanag
Pikit mata na ikaw ay tinatanaw
Kahit malayo ika'y nababanaag
Kasalukuya'y sa kahapon lumingon
Takbo ng oras ay gumapang pabalik
Sa alaala mo ang laya'y nakulong
Damdaming sayo'y 'di nagsawang
masabik
Sulyap sa titig mo'y kahalihalina
Kalungkutan sa ngiti ko'y napapawi
Mga yakap mo sa hirap ko ay ginahawa
Sa ati'y walang paglisang nanatili
Hangaring walang katapusang simula
Para sa atin ay akuing ibigay
Sa'ting pusong hiwalay na naging isa
Wagas na pag-ibig bayaang gumabay
Ngunit numero ng orasan ay bilang
Perpektong tagpo ay sadyang limitado
Lawak ng oras natin ay may hangganan
Larawan ay malinaw na lumalabo
Diwa ay nagbalik na sa reyalidad
Itong kamalayang sarado'y nagbukas
Ngayo'y umingay tahimik na daigdig
Ang balik tanaw sa kahapo'y nag wakas
Anino mo sa diwa'y nagliliwanag
Pikit mata na ikaw ay tinatanaw
Kahit malayo ika'y nababanaag
Kasalukuya'y sa kahapon lumingon
Takbo ng oras ay gumapang pabalik
Sa alaala mo ang laya'y nakulong
Damdaming sayo'y 'di nagsawang
masabik
Sulyap sa titig mo'y kahalihalina
Kalungkutan sa ngiti ko'y napapawi
Mga yakap mo sa hirap ko ay ginahawa
Sa ati'y walang paglisang nanatili
Hangaring walang katapusang simula
Para sa atin ay akuing ibigay
Sa'ting pusong hiwalay na naging isa
Wagas na pag-ibig bayaang gumabay
Ngunit numero ng orasan ay bilang
Perpektong tagpo ay sadyang limitado
Lawak ng oras natin ay may hangganan
Larawan ay malinaw na lumalabo
Diwa ay nagbalik na sa reyalidad
Itong kamalayang sarado'y nagbukas
Ngayo'y umingay tahimik na daigdig
Ang balik tanaw sa kahapo'y nag wakas