Closed Mata ko'y sa iyo lang

[God Kent]

Hindi ko akalaing mawawala ka,
Oras ko'y naubos kakahanap ng iba.
Akala ko ika'y balewala sa akin,
Ngunit ng ika'y lumisan, sumakit ng todo itong damdamin.

Hindi ko pinahalagahan ang iyong presenya,
Nagulat na lang ako nang bigla kang dumistansya,
Patawad na, bumalik ka naman, kailangan kita,
Nasa iyo pala lahat ng hinahanap ko sa iba.

Naging bulag at bingi sa pag-ibig na iyong pinakita,
Nagliwaliw, naghanap ng iba, hindi kita nakita.
Sana bukas paggising ko, bumalik ka na,
Ikaw lang hahanapin ko simula ngayon, wala ng iba.